Ghar Ki Safai Ke 11 Desi Jugaad or asardaar bhi { bina paise kharach kiye }:- Ghar ki safai krna har kisi ke liye ek badaa kam hota hai, khaaskar jb baat kitchen ke chip-chipe daag, bathroom ki tiles ya pankhe ki dhool ki ho. bazaar ke mehenge cleaner baar baar kharidna jeb prr bhaari padta hai. Aise daadi naani ke jmaane ke desi jugaad aaj bhi sabse bharose-mand tarika hai. aaiye jante hai kuch aise hi asaan tarike jis se aap ka ghar bina jyada mehnat ke chamak uthega.
1. Gas Stove Pr Jami Chiknai Htaane Ka Jugaad
Gas burner prr jmi chiknai aksr saabun se bhi nhi jaati, Ek katori garm paani mei thoda baking soda or nimbu ka rass milaayein, isme burner ko 15 minute dubo kr rakhein, fr puraane tooth brush se ragde. chiknai asaani se nikal jayegi.
2. Shishe Or Khidkiyon Ki Chamak Ke Liye Akhbaar Ka Jugaad
Kapde se shishe saaf krne se shishe prr hamesha streaks reh jaati hei, Iski jageh hpuraane akhbaar ko hlka geelaa krke shishe par ragde or sukhe akhbaaar se shishe ko polish kre. shisha bina kisi daag ke chamak uthega.
3. Bathroom Ki Tiles Or Nal Ki Jung Htaane Ka Tareeka
Paani me majood namak ki wajeh se nal or tiles prr safed parat jamm jaati hai. safed sirke [ vinegar ] ko kapde mei bhigo kar nal ke upar 10 minute lapet dein, frr puraane brush se ragde. jung jaise parat asaani se utar jayegi.
4. Farash Ki Safai Ke Liye Jugaad
Tiles prr jme daag ke liye ek balti mein do nimbu nichodfe or ek chamach namak daalein. is paani se pocha lagaane prr farash me nyi jaise chamak aa jayie gi or ghar mei taazi khushbo bhi bni rehti hai.
5. Pankhe Or Ac Ki Dhool Saaf Krein
Pankhe ke baked saaf krte samey dhool poore kamre me ud jaati hai. ek puraane takiyeb ke cover ko pankhe ke baled ke upar se pehnaaye or khinchkar nikaalein- saari dhool cover ke andar hi smaa jayeigi.
6. Mixer Grinder Ke Jaar Ki Badboo Htaane Ka Jugaad
Jaar mei nimbu ke shilke, thoda paani or namak daal kar 1 minute chlaa dein, is se jaar ki badboo or chiknaai dono saaf ho jayeingi.
7. Fridge Ki Badboo Ka Ilaaj
Fridge mei ek katori baking soda rakhne se badboo sokh li jaati hai or khaane ki chijo ki gandh aapas mei nhi milti.
8. Jale Huye Bartan Saaf Karne Ka Trika
Jalaa huiya bartan dhona sabse mushkil kaam hota hai. bartan mei paani bharkar usme ek chamach baking soda daalein. thodi der ubaalein or thanda hone prr scrub krein. Jalaa hua hissa asaani se shoot jayeiga .
9. kaalin [ Carpet ] Parr Lge Daag Htaane Kaa Jugaad
Kaalin prr chai Ya coffee gir jaaye to turant baking soda shidak dein , 10 minute baad vaccuem kr lein. daag or nami dono hatt jayeingi.
10. Jooton Ki Badboo Ka Jugaad
Jooton mei tea-bag ismtemaal kiya huya or sukhaa huya raat bhar rakhein, yeh badboo ko sokh leta hai or joote taza ,mehsoos hotein hai.
11. Sink Or Naali Ki Safai
Naali mei badboo ya jaam ki samaseya ho to adha cup baking soda daalein, upar se adha cup sirka daalein or 15 minute baad garm paani bahaa dein. naali khul jayeigi or badboo bhi chli jayeigi.
Conclusion:-
Ghar ki safain ke liye mehnge chemical products jroori nhi hote. upar btaaye gye ye sabhi jugaad bhartiye rasoi or gfhar mei asaani se milne vaali chijon se kiye jaa sakte hai. inhe apnaakar aap samey or paisa dono bchaa sakte hai.
Read More on website:- https://gharkejugaad.in/kitchen-jugaad-tips-hindi/
Q1. Kya Ye Jugaad Har Sateh Ke Liye Kaam Aayenge?
jyadatar haan, sangamarmar ya polish ki hui lakdi prr sirka istemaal krne se pehle kisi shoti jageh check kr lei.
Q2. Ghar ki Safai Ke Liye Sabse asaan desi jugaad kya hai?
baking soda or safed sirka sabse asardaar jugaad maane jaatein hai. jo kitchen se lekar bathroom takk har jageh kaam aatein hai.